Лионель Месси ва унинг оиласи 2021 йилда футболчининг шартномаси билан юзага келган вазият учун "Барселона" президенти Жоан Лапортдан жуда ғазабда эди.
Эслатиб ўтамиз, ўшанда футболчининг клуб билан келишуви муддати тугаган ва раҳбарият уни узайтирмасликка қарор қилганди. Натижада аргентиналик футболчи эркин агент сифатида "ПСЖ"га ўтди.
"Менга учинчи шахслардан маълум бўлишича, Лео Месси ва унинг оиласи президент Лапортадан жуда ғазабланган", - дея "Барселона" вице-президенти Жорди Местренинг сўзларини келтиради Diario Sport.
Унинг фикрича, Лапорта ва футболчи ўртасида юзага келган келишмовчиликни ҳал қилиб бўлмаслиги ўша вақтдаёқ маълум эди.
Парижда ўйнаганидан сўнг, Месси ҳозиргача ўйнаётган "Интер Майами"га ўтди. Унинг амалдаги шартномаси 2025 йилнинг 31 декабрига қадар имзоланган.
