"Реал" ярим ҳимоячиси Арда Гюлер Чемпионлар Лигасидан ўрин олган "Ювентус"га (1:0) қарши ўйиндан кейин жорий мавсумдаги ҳолати ҳақида гапирди.

"Жамоа таркибида ўзимни жуда муҳим ҳис қиляпман. Хабига раҳмат, у менга ишонади. У мендан темпни назорат қилишимни, ижодкор бўлишимни сўрайди.

Қаерда яхшироқ ўйнашим мумкин? Мен у ерда ҳам, бу ерда ҳам ўйнай оламан. Агар гол уриш ва ассистентлик қилиш керак бўлса, "ўнлик" бўлишим мумкин, аммо "саккизлик"да ҳам ўзимни қулай ҳис қиламан.

Мбаппе билан ўзаро тушуниш? Ажойиб, у ажойиб йигит," - деди Гюлер Movistar’га.

Эслатиб ўтамиз, айнан Гюлер "Реал" - "Ювентус" учрашувининг энг яхши футболчиси деб топилган эди.