"Реал" ярим ҳимоячиси Жуд Беллингем Чемпионлар Лигасида "Ювентус"га қарши ғалабадан сўнг ижтимоий тармоқларда пост жойлади. Айнан Беллингем ушбу учрашувда ягона голни урган эди.
"Эҳ, буни қанчалар соғинган эдим. Hala Madrid, бошқа ҳеч нарса керак эмас!" - дея ёзди Беллингем ўйин суратларига изоҳ тариқасида.
Маълумки, Беллингем "Реал" сафида атиги бир ой олдин ўйнай бошлаган эди. Ёзда инглиз футболчи елкасидаги муаммолар туфайли жарроҳлик амалиётидан ўтган ва маълум муддат тикланиш жараёнини ўтаган эди. "Ювентус" дарвозасига урилган гол Жуд учун 2025/2026 йилги мавсумда илк гол бўлди.













