"Ливерпуль" ҳужумкор ярим ҳимоячиси Флориан Вирц Европа Чемпионлар Лигаси умумий босқичидан ўрин олган Германиянинг "Айнтрахт" клубига қарши ўйиндан сўнг ўз фикрларини билдириб ўтди. Мерсисайдликлар Франкфуртда 5:1 ҳисобида ғалаба қозонди.
"Биз 0:1 ҳисобида ютқазаётгандик, аммо ўйин тақдирини ўзгартира олдик. Биринчи бўлимда бўш зоналарни топа олмадим, аммо танаффусдан кейин барчаси ўзгарди. Янада кўпроқ фойдали ишлар қилишим мумкин. Ғалабамиздан мамнунман. Голларда иштирок этганимдан хурсандман," - дея ярим ҳимоячининг сўзларини келтиради Liverpool Echo.
Вирц ёзда инглиз гранди сафига қўшилди. 22 ёшли вингернинг трансфери "қизиллар"га 125 миллион еврога тушган.
