Чемпионлар Лигасида умумий босқичнинг уч тури ортда қолди. WhoScored алгоритмлари ҳисоб-китобларига кўра, турнирдаги ўйинларнинг ўртача баҳоси бўйича етакчилик "Бавария" вакили Харри Кейнга тегишли - 9,01 балл. Рейтингда иккинчи ўринни "Интер" сардори Лаутаро Мартинес (8,81), учинчи ўринни "Реал" аъзоси Килиан Мбаппе (8,77) эгаллаган. Кучли бешликдан Хвича Кварацхелия ("ПСЖ", 8,62) ва Маркус Рэшфорд ("Барселона", 8,57) ҳам жой олган.
Олтинчи ва ўнинчи ўринлар мос равишда Нуну Мендеш, Хулиан Альварес, Хакан Чалханўғли, Фермин Лопес ва Маркус Тюрамга тегишли.
Тўртинчи тур учрашувлари 4-5 ноябрь кунларига белгиланган.
