"Ливерпуль" жамоаси бош мураббийи Арне Слот Чемпионлар лигаси доирасида Франкфуртнинг "Айнтрахт" клубига қарши ўйинда (5:1) ўнг қанот ҳимоячиси Жереми Фримпонг жароҳат олганини маълум қилди.
Нидерландиялик футболчи 19-дақиқадаёқ майдонни тарк этишга мажбур бўлди - унинг ўрнини Конор Брэдли эгаллади.
"Фримпонгнинг аҳволи? У янги жароҳати туфайли бир неча ҳафтани ўтказиб юборишини кутяпман," - деди Слот ўйиндан кейинги ОАВ билан суҳбатда.
Жереми Фримпонг жорий мавсум старти олдидан "Ливерпуль"га Леверкузеннинг "Байер" клубидан ўтди. Трансфер қиймати 40 млн еврони ташкил этди.
