Франция терма жамоасининг собиқ футболчиси Тьерри Анри «Ювентус»нинг жорий мавсумдаги ўйинини танқид қилди.
Туринликлар Чемпионлар лигаси умумий босқичининг 3-турида сафарда «Реал»га 0:1 ҳисобида мағлуб бўлишди. Бу Игор Тудор бошқарувидаги жамоанинг ғалабасиз ўтказган еттинчи учрашуви бўлди.
«Аниқ ўйин услуби ва ўз фалсафасига эга бўлмасдан курашиш жуда қийин. Мен Тудор яқинда келганини тушунаман, лекин ҳозир ҳеч ким ҳеч кимни кутмайди — клуб ҳаммасидан устун. Олға ҳаракат қилиш керак.
“Ювентус”нинг бу ҳолда ўйнаётганини кўриш жуда нохуш», — деди собиқ «бьянконери» форварди.













