Transfermarkt Европанинг энг кучли беш лигаси клублари ўртасидаги энг яхши ҳимоя чизиғи вакиллари рейтинги билан бўлишди.
Улар орасида Лондоннинг "Арсенал" клуби биринчи ўринни эгаллайди. Барча мусобақалар бўйича 12 та расмий ўйинда "канонирлар" учта (!) гол ўтказиб юборишди.
Бу ҳар бир ўйинда ўртача 0,25 та гол ўтказиб юборилди дегани.
"Милан" ўтказиб юборилган тўртта гол билан иккинчи ўринда. Бироқ Массимилиано Аллегри жамоаси "Арсенал"га қараганда анча кам ўйин ўтказган - тўққизта. Қолаверса, “россонерилар” бу мавсумда еврокубокларда иштирок этмаяпти.
Учинчи ўринни тўққизта ўйинда бешта гол ўтказиб юборган Италиянинг бошқа бир клуби “Рома” эгаллади. Тўққизта ўйинда олтита гол ўтказиб юборган “Комо” рейтингдаги тўртинчи энг яхши натижа эгаси ҳисобланади.
