"Манчестер Юнайтед" таркибни кучайтириш вариантларини ўрганмоқда. Transfer News Live нашрининг The Daily Briefing'га таяниб хабар беришича, "қизил иблислар" "Кристал Пэлас" вакили Жан-Филипп Матетани кузатиб бормоқда.
Қайд этилишича, 28 ёшли Матета Премьер-лиганинг "Тоттенхэм" ва "Ньюкасл" каби клублари радарларидан ҳам жой олган.
Матетанинг "Кристал Пэлас" билан амалдаги шартномаси 2027 йилнинг ярмигача мўлжалланган. Француз фаолиятини янги босқичга олиб чиқмоқчи, шунинг учун шартномани узайтиришдан бош тортди. Матетанинг трансфер нархи 40 миллион фунт (46 миллион евро) атрофида бўлиши мумкин.
Октябрь ойида Жан-Филипп Матета Франция терма жамоаси сафида дебют қилди.
