«Фиорентина» ҳужумчиси Эдин Жеко Конференциялар лигаси тарихида гол урган энг катта ёшдаги футболчи бўлди. У «Рапид» дарвозасини мусобақанинг умумий босқичи 2-турида ишғол этди.

Босниялик форвард тарихий натижани 48-дақиқада қайд этди. Меҳмонлар мазкур учрашувни 3:0 ҳисобидаги ғалаба билан якунлашди.

Конференциялар лигаси. Умумий босқич. 2-тур
23 октябрь 2025 йил, пайшанба
Рапид В (Вена, Австрия) — Фиорентина (Флоренция, Италия) — 0:3
Голлар: 0:1 — Ндур (9'), 0:2 — Жеко (48'), 0:3 — Гудмундссон (88')

Жеко «Фиорентина»га ўтган йилнинг ёзда қўшилган. Шу вақт мобайнида у барча мусобақаларда 10 та ўйинда майдонга тушиб, 2 та гол урди. Бутун фаолияти давомида босниялик футболчи «Манчестер Сити», «Рома», «Интер», «Вольфсбург» каби жамоалар сафида ҳам тўп сурган. 39 ёшли ҳужумчининг жорий шартномаси 2026 йил ёзигача мўлжалланган.