“Барселона” форварди Маркус Рэшфорд Испания Ла Лигасининг 10-тури доирасидаги “эл-класико” олдидан “Реал Мадрид” ҳақида фикр билдирди. Учрашув 26 октябрь, якшанба куни, Мадриддаги “Сантьяго Бернабеу” стадионида бўлиб ўтади.

— “Реал” жуда кучли жамоа ва ажойиб мураббийга эга. Улар ҳозир яхши спорт формасида, бу мен учун ажабланарли эмас. Чунки уларда юқори даражадаги футболчилар жамланган. Шунинг учун мен жуда оғир ва қизиқарли ўйинни кутяпман, — деди Рэшфорд.

— Биз ғалаба қозониш учун бор кучимизни сарфлаймиз. Бу осон бўлмайди, аммо биз бу синовга тайёрмиз. Агар режамиздаги каби ўйнасак, бу кун биз учун унутилмас бўлади, — дея форварднинг сўзларидан Barça Universal иқтибос келтирди.

Испания — Примера. 10-тур
26 октябрь 2025, якшанба. 20:15
Реал Мадрид — Барселона
Сантьяго Бернабеу, Мадрид