Лондоннинг "Челси" клуби вингери Эстеваонинг ўзи жамоадоши Энцо Фернандесга Чемпионлар лигаси асосий турнири 3-туридан ўрин олган Амстердамнинг "Аякс" клубига қарши ўйинда пенальти тепиш имкониятини бергани учун миннатдорчилик билдирди.
Эслатиб ўтамиз, лондонликлар биринчи бўлим давомида икки марта 11 метрлик зарба йўллаш имкониятига эга бўлди. Биринчисини Эрнандес голга айлантирган бўлса, иккинчи эпизодда аргентиналик футболчи тўпни 18 ёшли бразилияликка берди.
- Рухсат этинг, Энцога миннатдорчилик билдираман. У ғайриоддий йигит, у менга пенальтини тепиш имкониятини берди. Мен буни кутмаган эдим. Мен унга қарадим, у менга тўпни берди ва мен жуда хурсанд бўлдим," - дея Эстеваонинг сўзларини келтиради Фабрицио Романо.
Бу гол ёш футболчи учун Чемпионлар лигасидаги дебют гол бўлди. Умуман олганда, 2025/2026 йилги мавсумда у барча клуб турнирларида 11 та ўйинда майдонга тушиб, иккита гол урди ва битта голли узатмани амалга оширди. Футболчининг бозор нархи 60 млн еврони ташкил этади.
