"РБ Лейпциг" ҳужумчиси Тимо Вернер январда жамоасини ўзгартириши мумкин. 29 ёшли футболчи мавсум бошидаёқ кетиши мумкин эди, аммо келишув амалга ошмади. Ҳозир ҳужумчи деярли ўйнамаяпти - у бутун мавсум давомида майдонда бир дақиқа ўйнади. Журналист Флориан Плеттенбергнинг сўзларига кўра, футболчининг қишки трансфери ҳақиқатга яқин - унга MLS вакиллари даъвогарлик қилмоқда.
Қайд этилишича, "РБ Лейпциг" Вернерни "деярли текинга" қўйиб юборишга тайёр. Немиснинг амалдаги шартномаси келаси йилнинг ўрталарида тугайди. Тимо ватанига қайтишидан олдин Лондоннинг "Тоттенхэм" ва "Челси" клубларида ўйнаган, Transfermarkt портали унинг ҳозирги қийматини 5 млн еврога баҳоламоқда - бу унинг фаолиятининг энг юқори чўққисига қараганда 16 баравар кам.
