"Рома" ўз майдонида Чехиянинг "Виктория"сига кутилмаганда мағлуб бўлди (1:2).
Римликлар Европа Лигаси учрашувининг 22-дақиқасига келиб иккита тўп ўтказиб юборди ва бунга фақат Пауло Дибаланинг иккинчи бўлимда пенальтидан аниқ зарбаси билан жавоб қайтарди. Opta хабарига кўра, "Рома" жамоани Винченцо Монтелла бошқарган 2011 йил баҳоридан бери биринчи марта барча мусобақаларда кетма-кет учта уй учрашувида мағлуб бўлди.
Эслатиб ўтамиз, Жан Пьеро Гасперини жамоасида оддий рақиблар бўлмаган: 18 октябрь куни "бўрилар" А Серияда Миланнинг "Интер" клубига 0:1 ҳисобида ютқазган бўлса, ой бошида худди шу ҳисобда Европа Лигасида Франциянинг "Лилль" жамоасига мағлуб бўлганди.
