Яқинда Мадриднинг "Реал" ва "Ювентус" клублари Чемпионлар лигасида ўзаро тўқнаш келди. Учрашув "қаймоқранглилар"нинг минимал ғалабаси билан якунланди - меҳмонлар дарвозабони Микеле ди Грегорио ўйин давомида саккизта зарбани қайтарди. Журналист Мирко ди Наталенинг маълум қилишича, италиялик дарвозабоннинг ўйини испан гранди вакилларида катта таассурот қолдирган. "Қироллик клуби" "кекса синьора" футболчисининг ўйинларини кузатишда давом этиши ҳам эҳтимолдан холи эмас.

28 ёшли ди Грегорионинг transfermarkt порталидаги нархи 18 млн еврога баҳоланмоқда, футболчининг "Ювентус" билан шартномаси 2029 йилгача мўлжалланган.