"Барселона"га ижарага берилган вингер Маркус Рэшфорд "Манчестер Юнайтед"га муносабати ҳақида гапирди.

Англиялик футболчи ўтган ёзда ўзи учун қадрдон бўлган клубни тарк этиб, "кўк-анорранглилар" билан ижара шартномасини имзолаган эди. Футболчи Каталонияда доимий қолмоқчи эканлигини бир неча бор таъкидлаган.

"Одамлар умримнинг 23 йилини "Манчестер Юнайтед"да ўтказганимни унутиб қўйишмоқда. Баъзида шунчаки ўзгариш керак бўлади. "Барселона"га ўтиш аввалроқ ҳам амалга ошиши мумкин эди, аммо қандайдир сабабларга кўра бу амалга ошмади. Энди менда бу имкониятдан унумли фойдаланиш имконияти бор," - деди 27 ёшли футболчи ESPN’га берган интервьюсида.

Маркус Рэшфорд Ханс-Дитер Флик жамоасида 12 та ўйинда майдонга тушиб, бешта гол ва олтита голли узатмани амалга оширган.