"Кристал Пэлас" Конференциялар лигаси доирасида АЕКга қарши баҳс олиб борди ва кичик ҳисобда мағлуб бўлди (0:1). Бу натижа ҳақида инглиз жамоаси бош мураббий Оливер Гласнер ўз фикрини билдирди.
"Кимдир АПЛ вакили Конференциялар Лигасида албатта ғалаба қозониши керак, деб ҳисоблайди. Лекин камтарроқ бўлиш керак. Дебютантлардан бирортаси бу совринни қўлга кирита оладими ёки йўқми, билмайман. Мағлубиятдан сабоқ оламиз. Бу оқшом жамоанинг ҳафсаласи пир бўлди," - дея изоҳ берди мутахассис матбуот анжуманида.
Мусобақанинг кейинги турида "Кристал Пэлас" Нидерландиянинг АЗ жамоасига қарши майдонга тушади. Ўйин 6 ноябрь куни Англияда бўлиб ўтади.
