"Манчестер Сити" сардори Бернарду Силва ҳимоячи Жон Стоунснинг жамоа учун аҳамияти ҳақида фикр билдирди.
"Жон Стоунс бизга ҳозир марказий ҳимоячида топиш қийин бўлган нарсани беради. Бу менинг "Манчестер Сити"даги тўққизинчи мавсумим ва Жон формада бўлганида, жамоа ҳар доим анча яхши ўйнайди. Бу тасодиф эмас. У ўзига хос ўйинчи", - дея Силванинг сўзларини келтиради журналист Жек Гоган.
Стоунс "Манчестер Сити" сафида 2016 йилдан буён тўп тепиб келмоқда. Жорий мавсумда у барча мусобақаларда еттита ўйинда майдонга тушди. Унинг клуб билан шартномаси келаси ёзда тугайди.













