"Челси" бош мураббийи Энцо Маресканинг тан олишича, унга Англияда иккинчи ўринда турувчи Чемпионшип ёқади.
"Мен "Лестер" билан Чемпионшипда бир мавсум ўтказдим ва бу турнир менга жуда ёқди. Премьер-лига ёки Чемпионлар лигасида ўйнасак ҳам, мен доим Чемпионшипни кузатаман. Шундай қилиб, мен "Сандерленд"ни ўтган мавсумдан буён кузатганман, ўшанда янги мураббий келганди. Улар жуда яхши ўйин кўрсатишмоқда. Улар жисмонан етарлича кучли. Менга уларнинг ишлаш услуби ёқади", - деди Мареска матбуот анжуманида.
Премьер-лига доирасидаги "Челси" - "Сандерленд" учрашуви 25 октябрь, шанба куни бўлиб ўтади.
