"Монако" бош директори Тьяго Скуро клубда ҳозирча Ансу Фатини "Барселона"дан сотиб олиш масаласи муҳокама қилинмаётганини айтди:

"Бу ҳозир биз учун мавзу эмас. Биз шунчаки Фатига ўйин амалиётига эга бўлишда давом этиши ва "Монако"нинг муҳим ва барқарор футболчиси бўлиб қолиши учун барча шароитларни яратиб бермоқчимиз. Бизнес томони ҳозирча аҳамиятга эга эмас, лекин керакли пайтда қарор қабул қиламиз. "Монако" бу вазиятда футболчи ва "Барселона" билан тузган келишувимиз билан ҳимояланган. Ҳозир бизнинг мақсадимиз - Фатининг самарали ва барқарор ўйини."

Эслатиб ўтамиз, "Монако" Фатини "Барселона"дан 11 миллион евро эвазига сотиб олиш ҳуқуқига эга.

Жорий мавсумда 22 ёшли вингер "монегасклар" сафида барча мусобақаларда 5 та ўйинда майдонга тушиб, 6 та гол урган.