"Манчестер Юнайтед" ярим ҳимоячиси Бруну Фернандешни матбуот Саудия Арабистони клублари билан боғлашда давом этмоқда. Аммо, португалиялик футболчи Криштиану Роналду ҳаракат қилаётган лигага боришни истамаяпти.
BBC’нинг Фернандешга яқин манбасига таяниб хабар беришича, футболчининг яқин ёзда Саудия Арабистони клубига ўтиш режаси йўқ. Агар хавбек "Манчестер Юнайтед"дан кетадиган бўлса, Брунуни Премьер-лигадан ташқари Европанинг бошқа топ-клубларидаги вариантлар кўпроқ қизиқтиради.
31 ёшли Бруну Фернандешнинг амалдаги шартномаси 2027 йилнинг ярмигача мўлжалланган. Унда 65 миллион еврога сотиб олиш имконияти кўрсатилган.
