"Барселона" вингери Рафинья Диас Мадриднинг "Реал" клубига қарши ўйинда иштирок эта олмайди.
Бразилиялик футболчи тўлиқ тикланиб, якшанба куни бўлиб ўтадиган класикода иштирок этиши мумкин, деб ҳисобланганди, бироқ режаларни ўзгартиришга тўғри келди: муаммо яқинда бўлиб ўтган машғулотда янада кучайди - энди футболчи жамоага принципиал ўйинда ёрдам бермаслиги аниқ. Catalunya Radio нашрининг таъкидлашича, Рафинья бу воқеадан тушкунликка тушган ва ҳайратда қолган. У "Реал" билан ўйнашга тайёр эканига амин эди. Унинг учун бу оғир зарба.
Эслатиб ўтамиз, "Барселона" ҳужумининг 28 ёшли етакчиси сонидан олган жароҳати туфайли сентябрь ойи охиридан бери майдонга тушмаяпти. Рафиньясиз ўтказилган бешта ўйинда каталонияликлар уч марта ғалаба қозониб, икки марта мағлуб бўлишди.
