"Барселона"нинг собиқ ярим ҳимоячиси Иван Ракитич якшанба кунги "класико"дан нима кутаётгани ҳақида гапириб берди.
Испаниянинг икки гранди жорий мавсумда илк бор тўқнаш келади. Мазкур баҳс Ла Лига 10-тури доирасида "Сантьяго Бернабеу"да бўлиб ўтади.
"Эл-класико" - жаҳон футболидаги энг муҳим қарама-қаршилик, унда ҳамма иштирок этишни хоҳлайди. Ҳозирги шароитда иккала жамоага ҳам ғалаба керак, шунинг учун ўйин жуда шиддатли бўлади," - дея хорватиялик собиқ хавбекнинг жавобини келтиради The Touchline.
Иван Ракитич 2014-2020 йилларда "Барселона" шарафини ҳимоя қилган. У шу йилнинг июль ойида фаолиятини якунлаган.
Ўзаро ўйин олдидан "Реал" "Барса"дан 2 очкога олдинда бормоқда.
