"Барселона" ярим ҳимоячиси Марк Берналь жароҳат олган вақтини эслади. Ёш футболчи - ўшанда у 17 ёшда эди - ўтган мавсум стартида "кўк-анорранглилар"нинг асосий таркибига кирди, аммо учинчи ўйиндаёқ хочсимон боғлами узилиши туфайли сафдан чиқди. Қайта тикланиш тахминан бир йил давом этди.
"Ўша кеча жуда оғир бўлди. Мен тиззамда нимадир қарсиллаганини эшитдим ва қимирлай олмадим - жароҳат жиддий эканлиги дарҳол маълум бўлди. Аввалига руҳий жиҳатдан қийин бўлди, аммо жамоадошларим ва мураббийлар штаби ўзимни жамоанинг бир қисми сифатида ҳис қилишда давом этишим учун ҳамма нарсани қилишди. Бу жуда катта ёрдам берди," - дея Берналнинг сўзларини келтиради Barca Universal.
Жорий мавсумда 18 ёшли ҳимоячи "Барса" сафида 4 та ўйинда майдонга тушиб, 1 та голли узатма амалга оширишга муваффақ бўлди.
