"Барселона" устози Маркус Зорг матбуот анжуманида журналистлар билан суҳбатлашди. Айнан Зорг якшанба куни "эл-класико"да жамоани бошқаради, чунки Ханс-Дитер Флик қизил карточка олганидан кейин дисквалификация муддатини ўтайди. Мутахассисдан "Реал" форварди Винисиус Жуниорнинг майдондаги хатти-ҳаракатлари ҳақида сўрашди.
"Винисиус ва унинг хатти-ҳаракатлари? Биз доим рақиблар ҳақида гапирамиз. Ўйинларга тайёргарлигимиз шу. Футболчилар айниқса Винисиус ва Мбаппега қарши ўйнашга тайёр", - деди Зорг.
"Реал" ва "Барселона" 26 октябрь, якшанба куни ўзаро баҳс олиб боради. Старт ҳуштаги Тошкент вақти билан 20:15 да янграйди.
