"Интер" бош мураббийи Кристиан Киву жамоанинг ёзги трансферлари борасида фикр билдирди. Ўтган трансфер ойнасида жамоа сафини Луис Энрике ва Энди Диуф каби футболчилар тўлдирди.

Жума куни бўлиб ўтган ўйинолди матбуот анжуманида Киву ушбу футболчиларни асосий таркибнинг доимий ўйинчилари сифатида майдонга туширишга ҳали тайёр эмаслигини тан олди.

"Улар ўсиш, шу жумладан ақлий ўсиш салоҳиятига эга. Бугунги кунда улар тайёр деб ўйламайман. Уларни фидойи эмасликда айблай олмайман, улар яхши ўйинчилар, уларнинг вақти келади", - деди Киву.

25 октябрь оқшомида "Интер" мамлакат чемпионатида "Наполи"га қарши майдонга тушади.