25 октябрь куни «Бавария» Бундеслиганинг 8-турида сафарда Мёнхенгладбахнинг «Боруссия» жамоасини 3:0 ҳисобида мағлуб этди.
Мюнхенликлар 2025/26 йилги мавсумни ажойиб тарзда бошлади — жамоа барча мусобақалардаги 13та учрашувнинг ҳаммасида ғалаба қозонди. Ушбу ўйинлардаги тўплар нисбати — 47:9.
Бу натижа Европанинг топ-5 лигалари (АПЛ, Ла Лига, Бундеслига, А Серия, Лига 1) тарихидаги энг яхши старт сифатида қайд этилди.
Шунингдек, 1992/93 йилги мавсумда «Милан» ҳам 13та ғалабадан бошлаган, аммо италияликларнинг тўплар нисбати бундан ёмонроқ бўлган — 45:13.













