"Барселона" марказий ҳимоячиси Рональд Араухо жамоадоши Ламин Ямала ҳақида гапирди.
"У ҳақиқий профессионал. Машғулотларда у матчлардаги каби зўр кўринади: югуради, гол уради, ажойиб ўйин кўрсатади. Одамлар Ламиннинг футболдан ташқаридаги ҳаёти ҳақида кўп гапиришади, лекин энг муҳими - у майдонда нима қилаётгани.
Унинг ўйинидан ҳайратдамиз. У жуда муҳим футболчи ва энг муҳими, ажойиб жамоадош", - дея Араухонинг сўзларини келтиради Barca Universal.
Якшанба куни "кўк-анорранглилар" Мадриднинг "Реал" клубига қарши сафар ўйинини ўтказади.
