«Манчестер Юнайтед» жамоаси «Милан» клуби ҳужумчиси Рафаэл Леауни қўлга киритиш учун 100 миллион евро сарфлашга тайёр. Бу ҳақда Fichajes нашри хабар берди.
Манбага кўра, 26 ёшли португалиялик футболчи агар «Юнайтед»га ўтса, унга асосий таркибда кафолатли ўрин ҳамда жамоада қандай рол бажариши бўйича аниқ режа тақдим этилиши талабини қўйган.
Леаунинг «Милан» билан амалдаги шартномаси 2028 йилгача мўлжалланган. У А серияда 2019 йилдан бери ўйнаб келмоқда. Жорий мавсумда португалиялик ҳужумчи Италия чемпионатида 4 та учрашувда майдонга тушиб, 3 та гол урган.













