"Ливерпуль" скаутлари "Борнмут" қанот ҳужумчиси Антуан Семеньо ва "Ньюкасл" вингери Энтони Гордоннинг ўйин сифатларига юқори баҳо бермоқда. Мерсисайдликлар 33 ёшли Муҳаммад Салоҳнинг клубдаги келажагига шубҳа қилгани учун бу футболчиларга қизиқишни кучайтирган. Бу ҳақда Football Insider нашри хабар бермоқда.
Манбага кўра, "қизиллар" Семеньо ва Гордоннинг жарима майдонига кира олиши, шунингдек, ҳужумда бир неча позицияда ўйнай олишини қадрлашади.
Жорий мавсумда Семеньо барча мусобақаларда тўққизта ўйинда майдонга тушиб, олтита гол ва учта голли узатмани амалга оширди. Гордон барча мусобақаларда 10 та ўйин ўтказиб, тўртта гол урди ва бир голли узатмани амалга оширди.
