Бугун, Тошкент вақти билан соат 20:15 да Ла Лиганинг 10-туридан ўрин олган "Реал" ҳамда "Барселона" жамоалари ўртасидаги азалий қарама-қаршилик бўлиб ўтади. Аввалроқ ушбу беллашувни Сесар Сото Градо бошқариб бориши ҳақида хабарлар тарқалган эди.

Испаниянинг Mundo Deportivo спорт газетаси маълумотига кўра, юқорида тилга олинган ҳакам иштирокидаги ўйинларда ҳар икки жамоа неча фоиз мағлубиятга учрагани маълум бўлди: каталонияликларда бу кўрсаткич барча жангларнинг 36 фоизини ташкил этади, "қаймоқранглилар" эса кўпроқ тасалли берувчи натижага эга - 9 фоиз.