Bugun, Toshkent vaqti bilan soat 20:15 da La Liganing 10-turidan o‘rin olgan "Real" hamda "Barselona" jamoalari o‘rtasidagi azaliy qarama-qarshilik bo‘lib o‘tadi. Avvalroq ushbu bellashuvni Sesar Soto Grado boshqarib borishi haqida xabarlar tarqalgan edi.
Ispaniyaning Mundo Deportivo sport gazetasi ma’lumotiga ko‘ra, yuqorida tilga olingan hakam ishtirokidagi o‘yinlarda har ikki jamoa necha foiz mag‘lubiyatga uchragani ma’lum bo‘ldi: kataloniyaliklarda bu ko‘rsatkich barcha janglarning 36 foizini tashkil etadi, "qaymoqranglilar" esa ko‘proq tasalli beruvchi natijaga ega - 9 foiz.
