"Манчестер Сити" дарвозабони Жанлуижи Доннарумма Эрлинг Холанд ва Килиан Мбаппедан бирини танлади. Дарвозабон ҳар икки футболчи билан ўйнади. Доннарумма ўтган ёзда "шаҳарликлар" билан шартнома имзолаб, Холанднинг жамоадошига айланганди.
"Менимча, Эрлингнинг зарбаси кучлироқ. У чапақай, шунинг учун Килиандан фарқ қилади. Иккаласи ҳам мураккаб рақиб, уларга қарши ўйнаш қийин. Аммо мен жамоамда Эрлинг бўлишини истардим", - деди Доннарумма Daily Mail нашрига берган интервьюсида.
Якшанба куни "Манчестер Сити" Премьер-лига доирасида "Астон Вилла" меҳмони бўлади.
