"Манчестер Юнайтед" ҳужумчиси Бенжамин Шешко шанба куни бўлиб ўтган Премьер-лига ўйинида жамоасига "Брайтон" устидан 4:2 ҳисобида ғалаба қозонишга ёрдам берди.
22 ёшли словениялик футболчи ўйинни асосий таркибда бошлади ва 82-дақиқага қадар ўйнади. 61-дақиқада ҳужумчи "қизил иблислар"нинг учинчи голини урган Браян Мбеумога ассистентлик қилди. "Жамоанинг ажойиб ғалабаси, ажойиб руҳ! "Манчестер Юнайтед" сафида биринчи голли узатмамдан хурсандман! Биз шу руҳда давом этамиз!", деб ёзди Шешко ўйиндан кейин ижтимоий тармоқларда.
