Мадриднинг "Реал" клуби футболчиси Винисиус Жуниор "эл-класико"дан сўнг мухлисларга мурожаат қилди. "Қаймоқранглилар"нинг "Барселона" билан якшанба куни "Сантяго Бернабеу"да кечган учрашуви мезбонларнинг 2:1 ҳисобидаги ғалабаси билан якунланди.
Учрашувнинг 72-дақиқасида Хаби Алонсо Винисиусни алмаштиришга қарор қилди, Винисиус эса бунга норозилик билдирди. Учрашув якунлангач, мураббий бразилиялик футболчи билан гаплашиб олишини маълум қилди.
"Барча мадридликларга - айниқса, бугун "Сантьяго Бернабеу"га келиб, бизни қизғин қўллаб-қувватлаганларга мурожаат қилмоқчиман. Бу "эл-класико", майдонда ва унинг ташқарисида кўп нарсалар содир бўлади. Биз ўзимизни қўлга олишга ҳаракат қиламиз, лекин бу ҳар доим ҳам мумкин эмас.
Биз ҳеч кимни - ёш футболчиларни ҳам, мухлисларни ҳам хафа қилмоқчи эмасмиз. Майдонга чиққанда ўз ишини қилиш кераклигини биламиз ва бугун айнан шу билан шуғулландик. Hala Madrid!" - дея Винисиуснинг баёнотидан иқтибос келтиради Мадрид Хтра.
"Реал" Ла Лиганинг 10-туридан кейин "Барселона"ни 5 очкога ортда қолдирмоқда.
