Uzbekistan Legionaries телеграм-канали Эроннинг "Истиқлол" клуби шарафини ҳимоя қилаётган 32 ёшли вингеримиз Жалолиддин Машариповнинг ҳолати бўйича маълумот берди.
«Жалолиддин Машариповнинг жароҳати бўйича “Истиқлол” клуби шифокорлари билан суҳбатда маълум бўлишича, футболчи операция қилдирмагунча жароҳати тўлиқ тузалмайди.
Ҳозирда у жамоа билан бирга машғулотларда иштирок этаётган бўлса-да, илк тўқнашувда жароҳати яна кучайиб кетмоқда. Ягона тўлиқ даво усули — операция.
Жалолиддин Машарипов дастлаб операцияга рози бўлган, аммо Ўзбекистон терма жамоаси шифокорлари билан маслаҳатлашгандан сўнг бу фикридан қайтган эди!», - дейилади хабарда.
Машарипов жорий мавсумда ҳали бирорта ўйинда қатнашмаган.
