Мадриднинг "Реал" клуби ҳужумчиси Килиан Мбаппе "эл-класико"да пенальтини аниқ амалга ошира олмади, аммо барибир учрашув қаҳрамонларидан бирига айланди.

"Қаймоқранглилар" "Барселона"ни 2:1 ҳисобида мағлубиятга учратган бўлса, юлдуз француз 22-дақиқада гол урди. Иккинчи бўлим бошида ҳужумчи дубль қайд этиши мумкин эди, бироқ Войцех Шесни 11 метрлик нуқтадан йўлланган зарбани қайтарди. StatMuse хабарига кўра, бу пенальти Мбаппе учун клуб миқёсидаги ва терма жамоадаги бутун фаолияти давомидаги 70-пенальти бўлди (ўйиндан кейинги сериялар ҳисобга олинмаган). Килиан 14 марта нуқтадан гол ура олмаган ва 56 та вазиятда аниқ зарба берган.

Мбаппе жорий мавсум "Реал" сафида 13 та баҳсда 16 та гол урди.