Франциялик ҳужумчи Килиан Мбаппе “эл-класико”да “Барселона” дарвозасига яна бир бор гол урди. Унинг голи “Реал Мадрид”га Ла Лиганинг 10-туридаги баҳсда 2:1 ҳисобида ғалаба қозонишда ёрдам берди.

Бу гол Мбаппе учун каталонияликлар дарвозасига 9 учрашувдаги 12-гол бўлди. Шу тариқа у XXI асрда “Барселона”га энг кўп гол урган футболчилар орасида учинчи ўринни эгаллади.

Ундан фақат икки нафар футболчи кўпроқ гол урган:

• Криштиану Роналду — 34 ўйинда 20 гол,

• Карим Бензема — 46 ўйинда 16 гол.

Жорий ҳолатга кўра, “Реал Мадрид” 10 турдан сўнг 27 очко билан Ла Лиганинг етакчисига айланди. “Барселона” эса 22 очко билан иккинчи ўринда қолди.