"Кристал Пэлас" бош мураббийи Оливер Гласнер Лондоннинг "Арсенал" жамоаси нима учун АПЛ турнир жадвалида пешқадамлик қилаётганини тушунтириб берди.
"Уларга назар солсангиз, барча нарсалар ягона манзарани ташкил этади: кетма-кет уч мавсумда чемпионатда иккинчи ўринни эгаллаш, тахминан 300 миллион фунт стерлинг сармоя киритилиши, ажойиб футболчиларни жалб қилиш, машҳур мураббий ва клубни бошқаришнинг аниқ тузилмаси," - деди Гласнер "Арсенал" билан ўйиндан сўнг журналистларга.
Эслатиб ўтамиз, "Арсенал" ўтган якшанба, 26 октябрь куни "Кристал Пэлас"ни қабул қилган эди. "Канонирлар" бу ўйинда минимал ҳисобда ғалаба қозонишди. Голни Эберечи Эзе урди.
Ўйин якунига кўра, "Арсенал" Премьер-лигада иккинчи ўриндаги жамоадан 4 очко олдинлаб кетди. Ҳозирда улар ҳисобида 22 очко мавжуд.













