Ярим ҳимоячи Кевин де Брюйне "Наполи"нинг "Интер"га қарши ўйинида сонидан жиддий жароҳат олди. Бельгиялик футболчи пенальтидан рақиб дарвозасини ишғол этганидан сўнг дарҳол кучли оғриқни ҳис қилди.

"Наполи" 34 ёшли де Брюйненинг жароҳати ҳақида маълум қилди, аммо футболчининг тикланиш муддати ҳақида ҳеч нарса демади. Football Italia нашри тарқатган хабарга кўра, бундай жароҳат туфайли Кевин 4 ойга яқин майдонга туша олмаслиги мумкин.

"Наполи" 8 турдан сўнг Италия чемпионатида пешқадамлик қилмоқда. Иккинчи ўриндаги "Рома" қўшимча кўрсаткичлар бўйича Антонио Конте жамоасидан ортда қолмоқда.