"Ливерпуль" Премьер-лиганинг сўнгги тўртта ўйинида мағлуб бўлди. Англия терма жамоасининг собиқ форварди Уэйн Руни мерсисайдликлар етакчилари - ҳимоячи Виржил ван Дейк ва ҳужумчи Муҳаммад Салоҳни танқид қилди.
"Ҳозир мураббий ва етакчилар ҳамма нарсани тезда тушуниб, тўғрилашлари керак бўлган вақт. Ван Дейк ва Салоҳ янги шартномалар имзолашди, аммо менимча, бу мавсумда улар жамоанинг ҳақиқий етакчисига айлана олишмади.
Тана тили кўп нарсани англатади, деб ўйлайман. Бундан ҳам кўриниб турибдики, уларда нимадир нотўғри. Булар таркибдаги энг яхши икки футболчи бўлиб, уларнинг кайфияти ва хатти-ҳаракатлари қолганларга таъсир қилади. Агар мен "Ливерпуль" мухлиси бўлганимда, бу мени жуда хавотирга соларди," - деди Руни The Wayne Rooney Show подкастида.
"Ливерпуль" Премьер-лига турнир жадвалида еттинчи ўринда бормоқда.
