"Liverpul" Premyer-liganing so‘nggi to‘rtta o‘yinida mag‘lub bo‘ldi. Angliya terma jamoasining sobiq forvardi Ueyn Runi mersisaydliklar yetakchilari - himoyachi Virjil van Deyk va hujumchi Muhammad Salohni tanqid qildi.
"Hozir murabbiy va yetakchilar hamma narsani tezda tushunib, to‘g‘rilashlari kerak bo‘lgan vaqt. Van Deyk va Saloh yangi shartnomalar imzolashdi, ammo menimcha, bu mavsumda ular jamoaning haqiqiy yetakchisiga aylana olishmadi.
Tana tili ko‘p narsani anglatadi, deb o‘ylayman. Bundan ham ko‘rinib turibdiki, ularda nimadir noto‘g‘ri. Bular tarkibdagi eng yaxshi ikki futbolchi bo‘lib, ularning kayfiyati va xatti-harakatlari qolganlarga ta’sir qiladi. Agar men "Liverpul" muxlisi bo‘lganimda, bu meni juda xavotirga solardi," - dedi Runi The Wayne Rooney Show podkastida.
"Liverpul" Premyer-liga turnir jadvalida yettinchi o‘rinda bormoqda.













