"Наполи"нинг тажрибали ҳимоячиси клуб билан шартномани узайтиришга яқин турибди.
Журналист Николо Скиранинг маълумотига кўра, неаполликлар раҳбарияти 32 ёшли Леонардо Спинаццолага 2027 йилнинг июнь ойи охиригача мўлжалланган янги шартнома таклиф қилмоқчи.
Қайд этилишича, шартномада уни яна бир йилга, яъни 2028 йил июнь ойи охиригача узайтириш имконияти кўрсатилади.
2025/26 йилги мавсумда Леонардо Спинаццола "Наполи" сафида барча мусобақаларда 10 та ўйинда битта гол урди ва учта голли узатмани амалга оширди. Transfermarkt порталида унинг нархи 3,5 млн еврога баҳоланмоқда.
