Италиялик мураббий Лучано Спаллетти "Ювентус" билан 2025/26 йилги мавсум охиригача шартнома имзолаши ва уни узайтириши мумкин, дея хабар бермоқда журналист Жанлука Ди Марцио.
Манбага кўра, узайтириш айнан қанча муддатга - бир ёки икки йилга мўлжаллангани ҳали номаълум. Шу билан бирга, 66 ёшли мутахассис аллақачон ҳар қандай вариантга рози бўлишга моил.
Спалеттининг сўнгги иш жойи Италия терма жамоаси бўлиб, у 2023-2025 йилларда жамоани бошқарган. Шунингдек, "Наполи", "Интер", "Рома", "Зенит", "Удинезе", "Сампдория", "Эмполи", "Венеция" ва "Анкона" клубларига устозлик қилган.
27 октябрь, душанба куни "Ювентус" клубда 2025 йилнинг мартидан бери ишлаб келаётган бош мураббий Игор Тудор истеъфога чиқарилганини эълон қилди.
