"Фенербахче" Доменико Тедеско бошчилигида кетма-кет 6 ўйинда ютқазмаяпти.
Бугун Бельгия терма жамоаси собиқ мураббийи бошчилигидаги клуб Туркия Суперлигаси сафар ўйинида "Газиантеп"ни мағлуб этди (4:0).
Барча мусобақалардаги сўнгги олтита ўйинда "Фенербахче" бешта ғалаба ва битта дуранг қайд этган.
Бир ой олдин Тедеско муваффақиятсиз старт фонида ишдан бўшатилиши мумкинлиги ҳақида хабар берилган эди. Октябрь ойида клуб раҳбарияти фикрини ўзгартирди.














