Германия футболи афсонаси Лотар Маттеус “Бавария” дарвозабони Йонас Урбиг ҳақида фикр билдирди ва у келажакда Мануэль Нойернинг ўрнини эгаллай олиш-олмаслигига баҳо берди.

— “Йонас Урбиг чоршанба куни Германия кубоги 1/16 финали доирасидан ўрин олган “Кёльн”га қарши ўйинда дарвозага қайтиши кутилмоқда. У шанба куни Мёнхенгладбахда ўйнаб, худди шунга ўхшаш атмосферани ҳис этди. Урбиг ҳозирча "Бавария"да яхши ўйин кўрсатмоқда, фақат ўтган мавсум Берлинда "Унион"га қарши (1:1) баҳсдаги бир хатони ҳисобга олмаса бўлади. У ҳар куни Нойердан ўрганиш имкониятига эга ва тўғри ривожланса, бир куни унинг ворисига айланиши мумкин,” — деди Маттеус Sky Sport Germany нашрига.

Маттеус шунингдек “Штутгарт” дарвозабони Александр Нюбелни ҳам Нойернинг эҳтимолий ворисларидан бири сифатида тилга олди, чунки у ҳали ҳам расман “Бавария” футболчиси ҳисобланади.

Йонас Урбиг жорий мавсумда мюнхенликлар сафида икки ўйин ўтказиб, икки гол ўтказиб юборган.