Лондоннинг "Тоттенхэм" клуби "Марсель" вингери Мейсон Гринвуд учун курашга қўшилди. Бу ҳақда журналист Экрем Қўнур маълум қилди.

Манбага кўра, "Марсель" 24 ёшли футболчини ўз сафида олиб қолмоқчи, аммо агар катта таклиф тушса, музокаралар олиб боришга тайёр. Манбага кўра, ўзига келган Гринвуд хизматига нафақат "Тоттенхэм," балки "Барселона," "Атлетико," "Вест Хэм" ва "Астон Вилла" клублари ҳам қизиқиш билдирмоқда.

Жорий мавсумда англиялик футболчи барча турнирлар билан ҳисоблаганда 12 та ўйинда майдонга тушиб, 8 та гол урди ва 4 та голли узатмага муаллифлик қилди.

Нуфузли Transfermarkt портали мутахассислари Гринвуднинг нархини 40 миллион еврога баҳоламоқда.