Чоршанба оқшомида "Челси" Лига кубоги доирасида "Вулверхэмптон" меҳмони бўлади. Лондонликлар бош мураббийи Энцо Мареска жамоа ротациясини эълон қилди.
"Биз ротация қилишимиз керак. Футболчиларни асраш керак, чунки бир хил таркибда майдонга тушадиган бўлсак, мавсум давомида бизга қийин бўлади. Эртага, эҳтимол, баъзи ўзгаришларни киритамиз. Турли сабабларга кўра сақлаб қолиниши керак бўлган футболчилар бор, шунинг учун эртага кўрамиз", - деди Мареска журналистларга.
"Вулверхэмптон" ва "Челси" ўртасидаги ўйин 29 октябрь куни Тошкент вақти билан соат 00:45да бошланади.
