"Барселона" вингери Маркус Рэшфорд "Манчестер Юнайтед"да Оле Гуннар Сульшер билан бирга ишлаган вақтларини эслади.
Норвегиялик мутахассис 2018 йилнинг декабридан 2021 йилнинг ноябригача "қизил иблислар" бош мураббийи лавозимида ишлаган.
"Уле - фантастик инсон, "Манчестер Юнайтед"нинг ўша пайтдаги бошқа кўплаб футболчилари каби у билан ишлаш менга жуда ёқарди. Сульшер қўл остида яхши футбол ўйнадик, шахсан мен учун ҳам бу муваффақиятли давр бўлди. Уле ҳақида бир оғиз ҳам ёмон гап айта олмайман", - дейди 27 ёшли футболчи ТВ 2 Sport’га берган интервьюсида.
Маркус Рэшфорд жорий йилнинг ёзида "МЮ"ни тарк этиб, ижара асосида "Барселона"га кўчиб ўтди.
