"Ювентус" тез орада Лучано Спаллетти бош мураббий этиб тайинланганини эълон қилади.
Туринликлар 66 ёшли мутахассис билан келишиб олишган ва бугуноқ келишув расмийлаштирилиши керак. Мураббийнинг шартномаси мавсум охиригача мўлжалланган бўлиб, агар у Чемпионлар лигасига йўлланма олса, шартномани 2027 йил ёзигача узайтириш имконияти ҳам мавжуд.
Спаллетти пайшанба куни илк машғулотини ўтказади, деб хабар бермоқда журналист Николо Скира. Мураббий бошчилигидаги жамоанинг дебют учрашуви шанба куни бўлиб ўтади - рақиб "Кремонезе" бўлади.
"Ювентус"нинг собиқ устози Игор Тудор куни кеча ишончсиз натижалар туфайли истеъфога чиқарилди.
